jo mehrban hai sitam-gar bhi rah chuka hai kabhi
jo mehrbāñ hai sitam-gar bhī rah chukā hai kabhī
yahī jo mom hai patthar bhī rah chukā hai kabhī
maiñ āsmān pe uḌne ke ḳhvāb dekhtā huuñ
ki ik ḳhalā mire andar bhī rah chukā hai kabhī
isī liye use miltā huuñ ehtirām ke saath
mirā 'adū mirā ham-sar bhī rah chukā hai kabhī
yahīñ shajar the parindoñ ke āshiyāne the
isī zamīñ pe mirā ghar bhī rah chukā hai kabhī
ye aur baat ki ab yaad bhī nahīñ haiñ use
vo shaḳhs ham ko mayassar bhī rah chukā hai kabhī
jo mehrban hai sitam-gar bhi rah chuka hai kabhi
yahi jo mom hai patthar bhi rah chuka hai kabhi
main aasman pe uDne ke KHwab dekhta hun
ki ek KHala mere andar bhi rah chuka hai kabhi
isi liye use milta hun ehtiram ke sath
mera 'adu mera ham-sar bhi rah chuka hai kabhi
yahin shajar the parindon ke aashiyane the
isi zamin pe mera ghar bhi rah chuka hai kabhi
ye aur baat ki ab yaad bhi nahin hain use
wo shaKHs hum ko mayassar bhi rah chuka hai kabhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
