dukh dard ke izhaar ki fursat nahin milti
dukh dard ke iz.hār kī fursat nahīñ miltī
ye haal hai rone kī bhī mohlat nahīñ miltī
jis tarh kī vahshat se hai mansūb tirā shahr
aisī to kisī shahr meñ vahshat nahīñ miltī
tah-dārī-e-mā'nī hī na ho gar to ġhazal kyā
vo she'r bhī kyā jis meñ ishārat nahīñ miltī
sarmāya-e-ehsās baḌī qīmtī shai hai
har shaḳhs ko itnī baḌī daulat nahīñ miltī
yuuñ milne ko to miltī hai har chiiz jahāñ meñ
'e'jāz' magar qalb ko rāhat nahīñ miltī
dukh dard ke izhaar ki fursat nahin milti
ye haal hai rone ki bhi mohlat nahin milti
jis tarh ki wahshat se hai mansub tera shahr
aisi to kisi shahr mein wahshat nahin milti
tah-dari-e-ma'ni hi na ho gar to ghazal kya
wo she'r bhi kya jis mein ishaarat nahin milti
sarmaya-e-ehsas baDi qimti shai hai
har shaKHs ko itni baDi daulat nahin milti
yun milne ko to milti hai har chiz jahan mein
'e'jaz' magar qalb ko rahat nahin milti
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
