soz-e-ulfat dard-e-dil zaKHm-e-jigar ki baat hai

soz-e-ulfat dard-e-dil zaḳhm-e-jigar kī baat hai

chāra-sāzī kī nahīñ ab to asar kī baat hai

jā-e-hairat hai ki 'ahd-e-mausam-e-gul meñ bhī aaj

jis taraf bhī dekhiye barq-o-sharar kī baat hai

shaam kā vā'da thā lekin ab sahar hone ko hai

kaise vo bhūle abhī to dopahar kī baat hai

tū kitāb-e-zindagānī ko zarā paḌh kar to dekh

har varaq par apne hī ḳhūn-e-jigar kī baat hai

vo mujhe zarra samajhte haiñ maiñ un ko āftāb

apnī apnī vus'at-e-fikr-o-nazar kī baat hai

iqtizā-e-vaqt ne badlā hai aisā rang 'nūr'

ahl-e-zulmat kī zabāñ par bhī sahar kī baat hai

soz-e-ulfat dard-e-dil zaKHm-e-jigar ki baat hai

chaara-sazi ki nahin ab to asar ki baat hai

ja-e-hairat hai ki 'ahd-e-mausam-e-gul mein bhi aaj

jis taraf bhi dekhiye barq-o-sharar ki baat hai

sham ka wa'da tha lekin ab sahar hone ko hai

kaise wo bhule abhi to dopahar ki baat hai

tu kitab-e-zindagani ko zara paDh kar to dekh

har waraq par apne hi KHun-e-jigar ki baat hai

wo mujhe zarra samajhte hain main un ko aaftab

apni apni wus'at-e-fikr-o-nazar ki baat hai

iqtiza-e-waqt ne badla hai aisa rang 'nur'

ahl-e-zulmat ki zaban par bhi sahar ki baat hai