tu hawa hai to uDa de mujhko
tū havā hai to uḌā de mujh ko
yā koī shakl banā de mujh ko
bas pighalne ko anā baaqī hai
phir jo chāhe so banā de mujh ko
bojh ke saath safar ho kab tak
us se kah do ki bhulā de mujh ko
yā to manzil kā bharam hī rakh le
yā koī raah dikhā de mujh ko
zabt kī had hai fanā ho jaanā
de koī aur sazā de mujh ko
sub.h kī dhuup nikal aa.ī hai
tū jo chāhe to bujhā de mujh ko
tu hawa hai to uDa de mujh ko
ya koi shakl bana de mujh ko
bas pighalne ko ana baqi hai
phir jo chahe so bana de mujh ko
bojh ke sath safar ho kab tak
us se kah do ki bhula de mujh ko
ya to manzil ka bharam hi rakh le
ya koi rah dikha de mujh ko
zabt ki had hai fana ho jaana
de koi aur saza de mujh ko
subh ki dhup nikal aai hai
tu jo chahe to bujha de mujh ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
