sham Dhale jo sae chalne lagte hain
shaam Dhale jo saa.e chalne lagte haiñ
ādam-zād bhī rang badalne lagte haiñ
raat ke pichhle pahar jo tīrgī baḌhtī hai
har ik baam se chāñd nikalne lagte haiñ
lahjoñ meñ to zahr hai un sāñpoñ kā jo
dost ke ruup meñ ghar meñ palne lagte haiñ
ḳhaas dhuāñ chehroñ par dikhtā hai jab bhī
dil nafrat kī aag meñ jalne lagte haiñ
jab mī'ād dimāġh kī puurī hotī hai
paaoñ qabr kī jānib chalne lagte haiñ
jab taqdīr ne khel rachānā hotā hai
ḳhushk jagah par pair phisalne lagte haiñ
sham Dhale jo sae chalne lagte hain
aadam-zad bhi rang badalne lagte hain
raat ke pichhle pahar jo tirgi baDhti hai
har ek baam se chand nikalne lagte hain
lahjon mein to zahr hai un sanpon ka jo
dost ke rup mein ghar mein palne lagte hain
KHas dhuan chehron par dikhta hai jab bhi
dil nafrat ki aag mein jalne lagte hain
jab mi'ad dimagh ki puri hoti hai
paon qabr ki jaanib chalne lagte hain
jab taqdir ne khel rachana hota hai
KHushk jagah par pair phisalne lagte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
