raghbat mujhe is waste bazar se kam hai
raġhbat mujhe is vāste bāzār se kam hai
maujūd mirī jeb meñ darkār se kam hai
bargad ke ghane peḌ tale ruk to gaye haiñ
saaya magar is kā tirī dīvār se kam hai
ye soch ke zanjīr hilā.ī nahīñ maiñ ne
dukh merā abhī tak tire me'yār se kam hai
iz.hār meñ jazbe kī sadāqat nahīñ utrī
lafzoñ meñ namī chashm-e-'azā-dār se kam hai
fan meñ to buland us se bahut hai mirā qāmat
tauqīr magar sāhib-e-dastār se kam hai
raghbat mujhe is waste bazar se kam hai
maujud meri jeb mein darkar se kam hai
bargad ke ghane peD tale ruk to gaye hain
saya magar is ka teri diwar se kam hai
ye soch ke zanjir hilai nahin main ne
dukh mera abhi tak tere me'yar se kam hai
izhaar mein jazbe ki sadaqat nahin utri
lafzon mein nami chashm-e-'aza-dar se kam hai
fan mein to buland us se bahut hai mera qamat
tauqir magar sahib-e-dastar se kam hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
