main na pohncha tha ki rah par mera saya aaya

maiñ na pohñchā thā ki rah par mirā saaya aayā

ban ke mere liye rahbar mirā saaya aayā

sar pe ḳhurshīd ko chamkāyā to be-bas ho kar

mere qadmoñ meñ simaT kar mirā saaya aayā

mujh se bhī baḌh ke hai mushtāq tirā merā raqīb

mujh se bhī pahle tire ghar mirā saaya aayā

nashsha-e-husn meñ yuuñ mast thā qātil merā

mere badle tah-e-ḳhanjar mirā saaya aayā

raat paḌte hī usī raah meñ tahlīl huā

saath jis raah pe din bhar mirā saaya aayā

ik nujūmī ne ḳhabar dī ki guhar 'ārif' hai

maiñ sadaf meñ thā ki bāhar mirā saaya aayā

main na pohncha tha ki rah par mera saya aaya

ban ke mere liye rahbar mera saya aaya

sar pe KHurshid ko chamkaya to be-bas ho kar

mere qadmon mein simaT kar mera saya aaya

mujh se bhi baDh ke hai mushtaq tera mera raqib

mujh se bhi pahle tere ghar mera saya aaya

nashsha-e-husn mein yun mast tha qatil mera

mere badle tah-e-KHanjar mera saya aaya

raat paDte hi usi rah mein tahlil hua

sath jis rah pe din bhar mera saya aaya

ek nujumi ne KHabar di ki guhar 'arif' hai

main sadaf mein tha ki bahar mera saya aaya