tumhaare dil mein jo gham basa hai to main kahan hun
tumhāre dil meñ jo ġham basā hai to maiñ kahāñ huuñ
ye maiñ nahīñ koī dūsrā hai to maiñ kahāñ huuñ
hamārī palkoñ ke ḳhvāb āḳhir udaas kyuuñ haiñ
agar ye tum ko hī sochnā hai to maiñ kahāñ huuñ
vo merī tasvīr merī ḳhushbū ḳhayāl merā
tumhārā kamra sajā huā hai to maiñ kahāñ huuñ
kisī ne dekhā to kyā kahegā tum hī batāo
tumhāre hāthoñ meñ ā.īna hai to maiñ kahāñ huuñ
tumhārī chāhat ke zaḳhm shāyad mahak rahe haiñ
sunā hai mausam harā-bharā hai to maiñ kahāñ huuñ
harā jamegā ki surḳh joḌā ye kārchobī
tumheñ ye dil hī se pūchhnā hai to maiñ kahāñ huuñ
ye tum bhī socho ki 'badr' āḳhir udaas kyuuñ hai
charāġh itnā bujhā bujhā hai to maiñ kahāñ huuñ
tumhaare dil mein jo gham basa hai to main kahan hun
ye main nahin koi dusra hai to main kahan hun
hamari palkon ke KHwab aaKHir udas kyun hain
agar ye tum ko hi sochna hai to main kahan hun
wo meri taswir meri KHushbu KHayal mera
tumhaara kamra saja hua hai to main kahan hun
kisi ne dekha to kya kahega tum hi batao
tumhaare hathon mein aaina hai to main kahan hun
tumhaari chahat ke zaKHm shayad mahak rahe hain
suna hai mausam hara-bhara hai to main kahan hun
hara jamega ki surKH joDa ye karchobi
tumhein ye dil hi se puchhna hai to main kahan hun
ye tum bhi socho ki 'badr' aaKHir udas kyun hai
charagh itna bujha bujha hai to main kahan hun
- Book : TO MAIN KAHAN HOON (POETRY) (Pg. 15)
- Author : Badr Wasti
- Publication : Madhya Pradesh Urdu Academy (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
