ye teri mai nahin mera subu hai zau-fagan saqi
ye terī mai nahīñ merā subū hai zau-fagan saaqī
sarāpā nuur bantī jā rahī hai anjuman saaqī
chhalak jaa.e na bulbul kā lahū gul ke kaToroñ se
baḌhe aate haiñ phir gulchīñ chaman andar chaman saaqī
ba-qadr-e-zarf piinā aur pī kar hosh meñ rahnā
hamārī bāda-noshī kā hai ye ik ḳhaas fan saaqī
tire mai-ḳhvār leñge intiqām-e-koh-kan in se
ye ḳhusrau jo ba-zāhir haiñ bahut shīrīñ-dahan saaqī
dil-e-'muztar' ko yuuñ to aur bhī marġhūb haiñ shā'ir
magar marġhūb-tar hai faiz kā rang-e-suḳhan saaqī
ye teri mai nahin mera subu hai zau-fagan saqi
sarapa nur banti ja rahi hai anjuman saqi
chhalak jae na bulbul ka lahu gul ke kaToron se
baDhe aate hain phir gulchin chaman andar chaman saqi
ba-qadr-e-zarf pina aur pi kar hosh mein rahna
hamari baada-noshi ka hai ye ek KHas fan saqi
tere mai-KHwar lenge intiqam-e-koh-kan in se
ye KHusrau jo ba-zahir hain bahut shirin-dahan saqi
dil-e-'muztar' ko yun to aur bhi marghub hain sha'ir
magar marghub-tar hai faiz ka rang-e-suKHan saqi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
