tasawwur-e-KHirad liye surur ki taraf

tasavvur-e-ḳhirad liye surūr kī taraf

shu'ūr se gayā huuñ lā-shu'ūr kī taraf

umiid hai ki zindagī se hogī guftugū

pahuñch gayā huuñ shauq meñ huzūr kī taraf

dalīl ko dalīl se shikast-e-fāsh dī

ġhurūr se nigāh kī ġhurūr kī taraf

samundaroñ meñ khul rahe haiñ rāste udhar

hadīs-e-dil utar rahī hai tuur kī taraf

faqat sahāb thā kabhī jahān-e-be-karāñ

ye kaun le gayā ise zuhūr kī taraf

chahār sū ḳhumār hai ki jhūmtā hai dil

kabhī idhar kabhī zarā sī duur kī taraf

tasawwur-e-KHirad liye surur ki taraf

shu'ur se gaya hun la-shu'ur ki taraf

umid hai ki zindagi se hogi guftugu

pahunch gaya hun shauq mein huzur ki taraf

dalil ko dalil se shikast-e-fash di

ghurur se nigah ki ghurur ki taraf

samundaron mein khul rahe hain raste udhar

hadis-e-dil utar rahi hai tur ki taraf

faqat sahab tha kabhi jahan-e-be-karan

ye kaun le gaya ise zuhur ki taraf

chahaar su KHumar hai ki jhumta hai dil

kabhi idhar kabhi zara si dur ki taraf