laDta raha jo apne hi andar ke KHauf se
laḌtā rahā jo apne hī andar ke ḳhauf se
vo kyā Daregā socho bavanDar ke ḳhauf se
maujoñ se laḌ jhagaḌ ke maiñ sāhil pe aa gayā
lekin Darā nahīñ maiñ samundar ke ḳhauf se
ibn-e-'alī ne duniyā ko paiġhām ye diyā
pīchhe kabhī na haTnā sitam-gar ke ḳhauf se
mushkil hazār sāmne aatī haiñ kaam meñ
kyā bachche chalnā chhoḌ deñ Thokar ke ḳhauf se
lailā kī chaah ne use dīvāna kar diyā
majnūñ kabhī Darā nahīñ patthar ke ḳhauf se
laDta raha jo apne hi andar ke KHauf se
wo kya Darega socho bawanDar ke KHauf se
maujon se laD jhagaD ke main sahil pe aa gaya
lekin Dara nahin main samundar ke KHauf se
ibn-e-'ali ne duniya ko paigham ye diya
pichhe kabhi na haTna sitam-gar ke KHauf se
mushkil hazar samne aati hain kaam mein
kya bachche chalna chhoD den Thokar ke KHauf se
laila ki chah ne use diwana kar diya
majnun kabhi Dara nahin patthar ke KHauf se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
