is se pahle koi aa kar ke bacha le mujhko
is se pahle koī aa kar ke bachā le mujh ko
hijr us kā hī kahīñ maar na Daale mujh ko
ab to sāhil pe pahuñch kar hī maiñ kuchh dam lūñgā
us se pahle ye samundar jo uchhāle mujh ko
jis tarah shahd ko makkhī ne chhupāyā aksar
is tarah maañ tū bhī āñchal meñ chhupā le mujh ko
ye ġharaz merī thī manzil pe rukā huuñ aa kar
dard dete hī rahe paaoñ ke chhāle mujh ko
chāñd se jab bhī mirī baat bigaḌ jā.egī
mil ke jugnū hī sabhī deñge ujāle mujh ko
is liye bhī ise jāgīr samajhtā huuñ maiñ
mar ke honā hī hai miTTī ke havāle mujh ko
is se pahle koi aa kar ke bacha le mujh ko
hijr us ka hi kahin mar na Dale mujh ko
ab to sahil pe pahunch kar hi main kuchh dam lunga
us se pahle ye samundar jo uchhaale mujh ko
jis tarah shahd ko makkhi ne chhupaya aksar
is tarah man tu bhi aanchal mein chhupa le mujh ko
ye gharaz meri thi manzil pe ruka hun aa kar
dard dete hi rahe paon ke chhaale mujh ko
chand se jab bhi meri baat bigaD jaegi
mil ke jugnu hi sabhi denge ujale mujh ko
is liye bhi ise jagir samajhta hun main
mar ke hona hi hai miTTi ke hawale mujh ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
