dard tanhaiyon mein rote hain
dard tanhā.iyoñ meñ rote haiñ
'aks bīnā.iyoñ meñ rote haiñ
ḳhvāb se nisbateñ batāte log
din kī sachchā.iyoñ meñ rote haiñ
ham-suḳhan mahfiloñ meñ hañste haiñ
aur tanhā.iyoñ meñ rote haiñ
ham samundar mizāj rakhte haiñ
aur gahrā.iyoñ meñ rote haiñ
sādgī bhī to ek ne'mat hai
log dānā.iyoñ meñ rote haiñ
zindagī aur koī khel rachā
ham tamāshā.iyoñ meñ rote haiñ
rāhateñ thak ke so ga.iiñ shāyad
jism añgḌā.iyoñ meñ rote haiñ
dard tanhaiyon mein rote hain
'aks binaiyon mein rote hain
KHwab se nisbaten batate log
din ki sachchaiyon mein rote hain
ham-suKHan mahfilon mein hanste hain
aur tanhaiyon mein rote hain
hum samundar mizaj rakhte hain
aur gahraiyon mein rote hain
sadgi bhi to ek ne'mat hai
log danaiyon mein rote hain
zindagi aur koi khel racha
hum tamashaiyon mein rote hain
rahaten thak ke so gain shayad
jism angDaiyon mein rote hain
- Book : Word File Mail By Qamar Ahmad
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
