barf ke log naw patthar ki

barf ke log naav patthar kī

aur masāfat hai ik samundar kī

maiñ hī karvaT badalne lagtā huuñ

aañkh lagtī hai jūñhī bistar kī

uTh rahī haiñ vahīñ pe dīvāreñ

thī zarūrat jahāñ jahāñ dar kī

haif-sad-haif mere shīsha badan

tujh ko dekhegī aañkh patthar kī

aur bhī kuchh bigaḌ gayā hai jahāñ

ham ne koshish to kī thī behtar kī

kaun mahshar kā intizār kare

baat hai lamha-e-mayassar kī

tum mire dostoñ ko le aate

choT hotī koī barābar kī

kyuuñ sunāte ho is tarah kī ḳhabar

kyuuñ uḌāte ho aap be-par kī

ab bhī us kā badan sunahrā hai

jabki bārish bhī tham chukī zar kī

aap to us taraf se aa.e haiñ

kuchh sunā.eñ hamāre muḳhbar kī

kis ravānī meñ keh rahā huuñ ġhazal

kyā suhūlat hai misra'-e-tar kī

ab use DhūñDne kahāñ jā.ūñ

ye to kunjī hai āThveñ dar kī

ghar meñ ārām karne aa.e ho

ghar meñ bāteñ karo na daftar kī

koī bichhḌe to yaad aatī hai

raat unnīs sau ikahattar kī

ḳhauf dil se nikāl kar bhī 'zahīr'

koī khiḌkī khulī rahī Dar kī

barf ke log naw patthar ki

aur masafat hai ek samundar ki

main hi karwaT badalne lagta hun

aankh lagti hai junhi bistar ki

uTh rahi hain wahin pe diwaren

thi zarurat jahan jahan dar ki

haif-sad-haif mere shisha badan

tujh ko dekhegi aankh patthar ki

aur bhi kuchh bigaD gaya hai jahan

hum ne koshish to ki thi behtar ki

kaun mahshar ka intizar kare

baat hai lamha-e-mayassar ki

tum mere doston ko le aate

choT hoti koi barabar ki

kyun sunate ho is tarah ki KHabar

kyun uDate ho aap be-par ki

ab bhi us ka badan sunahra hai

jabki barish bhi tham chuki zar ki

aap to us taraf se aae hain

kuchh sunaen hamare muKHbar ki

kis rawani mein keh raha hun ghazal

kya suhulat hai misra'-e-tar ki

ab use DhunDne kahan jaun

ye to kunji hai aaThwen dar ki

ghar mein aaram karne aae ho

ghar mein baaten karo na daftar ki

koi bichhDe to yaad aati hai

raat unnis sau ikahattar ki

KHauf dil se nikal kar bhi 'zahir'

koi khiDki khuli rahi Dar ki