bachpan ki hasin yaadon se dil bhar nahin jata
bachpan kī hasīñ yādoñ se dil bhar nahīñ jaatā
āñkhoñ se mirī gaañv kā manzar nahīñ jaatā
kuchh vasl ke ādāb haiñ kuchh 'ishq kī rasmeñ
dariyā se gale milne samundar nahīñ jaatā
jhuk jaane meñ kaT jaane meñ bas farq hai itnā
gardan to chalī jaatī hai par sar nahīñ jaatā
kyuuñ tanz kiyā kartī hai āvāra-mizājī
kyā raat ga.e lauT ke maiñ ghar nahīñ jaatā
ab kaun du'ā degā tumheñ dasht meñ 'vāris'
is raah se ab koī qalandar nahīñ jaatā
bachpan ki hasin yaadon se dil bhar nahin jata
aankhon se meri ganw ka manzar nahin jata
kuchh wasl ke aadab hain kuchh 'ishq ki rasmen
dariya se gale milne samundar nahin jata
jhuk jaane mein kaT jaane mein bas farq hai itna
gardan to chali jati hai par sar nahin jata
kyun tanz kiya karti hai aawara-mizaji
kya raat gae lauT ke main ghar nahin jata
ab kaun du'a dega tumhein dasht mein 'waris'
is rah se ab koi qalandar nahin jata
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
