siyah-rang faza surKH aasman kyun hai
siyāh-rang fazā surḳh āsmāñ kyuuñ hai
phir aaj shahr kā manzar dhuāñ dhuāñ kyuuñ hai
'ajab nahīñ kisī sāzish kā ho ye pas-manzar
rafīq aaj mirā itnā mehrbāñ kyuuñ hai
samajh meñ aa na sakī maslahat zamāne kī
har ek shaḳhs sitam-gar kā ham-zabāñ kyuuñ hai
baġhair 'ishq ke be-rang zindagī hai to phir
lahūluhān ye chāhat kī dāstāñ kyuuñ hai
jab us ne tujh se mohabbat kā kar diyā iz.hār
to phir ye fāsla 'e'jāz' darmiyāñ kyuuñ hai
siyah-rang faza surKH aasman kyun hai
phir aaj shahr ka manzar dhuan dhuan kyun hai
'ajab nahin kisi sazish ka ho ye pas-manzar
rafiq aaj mera itna mehrban kyun hai
samajh mein aa na saki maslahat zamane ki
har ek shaKHs sitam-gar ka ham-zaban kyun hai
baghair 'ishq ke be-rang zindagi hai to phir
lahuluhan ye chahat ki dastan kyun hai
jab us ne tujh se mohabbat ka kar diya izhaar
to phir ye fasla 'e'jaz' darmiyan kyun hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
