ajab ruKH de diya hai is safar ko

'ajab ruḳh de diyā hai is safar ko

diyā hai taḳht ham ne be-hunar ko

adab kī aabrū nīlām kar dī

biThā kar masnadoñ par kaj-nazar ko

vo jin ko lafz likhnā bhī na aayā

vo parkheñge ab ahl-e-fan ke zar ko

vo jin ko 'ilm kī abjad na aa.ī

vo ab toleñge fan ke sīm-o-zar ko

jahāñ ḳhush-āmadoñ kā raaj Thahrā

vahāñ kyuuñ DhūñDte ho tum hunar ko

jahāñ sūraj kā istehqāq bantā

chunā hai bastiyoñ ne ab sharar ko

'ajab ye tarz-e-nau ījād Thahrā

ki ulTā kar diyā hai har safar ko

'bilāl' apnā muqaddar ab yahī hai

ki rote hī raheñge ham sahar ko

'ajab ruKH de diya hai is safar ko

diya hai taKHt hum ne be-hunar ko

adab ki aabru nilam kar di

biTha kar masnadon par kaj-nazar ko

wo jin ko lafz likhna bhi na aaya

wo parkhenge ab ahl-e-fan ke zar ko

wo jin ko 'ilm ki abjad na aai

wo ab tolenge fan ke sim-o-zar ko

jahan KHush-amadon ka raj Thahra

wahan kyun DhunDte ho tum hunar ko

jahan suraj ka istehqaq banta

chuna hai bastiyon ne ab sharar ko

'ajab ye tarz-e-nau ijad Thahra

ki ulTa kar diya hai har safar ko

'bilal' apna muqaddar ab yahi hai

ki rote hi rahenge hum sahar ko