zat ka dasht-e-KHatar yaad aaya

zaat kā dasht-e-ḳhatar yaad aayā

daf'atan auj-e-bashar yaad aayā

ḳhāna-e-ḳhvāb meñ dam le lete

kyā kareñ apnā hī ghar yaad aayā

sabz shāḳhoñ pe dahakte hue phuul

manzar-e-ḳhvāb-asar yaad aayā

chand jhoñke the havāoñ ke magar

phir na pattā na shajar yaad aayā

aisā ābād thā sahrā-e-junūn

kaisī dīvār na dar yaad aayā

abr ne jab bhī uḌāyā āñchal

apnā hī dāman-e-tar yaad aayā

sard inkār ke zindānoñ meñ

garm ḳhushbū kā guzar yaad aayā

rang aur chehra-e-qātil se ḳhafā

koī 'unvān-e-ḳhabar yaad aayā

āsmāñ chāhe gire yā na gire

dekheñ kis kis ko hai sar yaad aayā

dā'vā-e-zohd-o-'ibādat se mujhe

ik riyā-kār kā shar yaad aayā

jī meñ Thānī hai na bhūleñge kabhī

vo agar bār-e-digar yaad aayā

ġham ko bāzār dikhānā hī paḌā

vaqt-e-'usrat ye hunar yaad aayā

us shab-e-zar ke añdhere meñ kise

ashk-e-tābāñ kā guhar yaad aayā

gul khilātā huā har ek ravish

phir mirā sho’la-e-fariyād aayā

hai zamīñ jis kī haqīqat kā surāġh

'fauq' vo ḳhvāb-e-sahar yaad aayā

zat ka dasht-e-KHatar yaad aaya

daf'atan auj-e-bashar yaad aaya

KHana-e-KHwab mein dam le lete

kya karen apna hi ghar yaad aaya

sabz shaKHon pe dahakte hue phul

manzar-e-KHwab-asar yaad aaya

chand jhonke the hawaon ke magar

phir na patta na shajar yaad aaya

aisa aabaad tha sahra-e-junun

kaisi diwar na dar yaad aaya

abr ne jab bhi uDaya aanchal

apna hi daman-e-tar yaad aaya

sard inkar ke zindanon mein

garm KHushbu ka guzar yaad aaya

rang aur chehra-e-qatil se KHafa

koi 'unwan-e-KHabar yaad aaya

aasman chahe gire ya na gire

dekhen kis kis ko hai sar yaad aaya

da'wa-e-zohd-o-'ibaadat se mujhe

ek riya-kar ka shar yaad aaya

ji mein Thani hai na bhulenge kabhi

wo agar bar-e-digar yaad aaya

gham ko bazar dikhana hi paDa

waqt-e-'usrat ye hunar yaad aaya

us shab-e-zar ke andhere mein kise

ashk-e-taban ka guhar yaad aaya

gul khilata hua har ek rawish

phir mera sho’la-e-fariyaad aaya

hai zamin jis ki haqiqat ka suragh

'fauq' wo KHwab-e-sahar yaad aaya