shaKH se TuTte patte ki sada hun main bhi
shāḳh se TūTte patte kī sadā huuñ maiñ bhī
koī samjhā hī nahīñ kaun huuñ kyā huuñ maiñ bhī
ajnabī shahr bhī dīvāna banā detā hai
terī galiyoñ kā pata bhuul gayā huuñ maiñ bhī
har taraf terī tamannā ne bikherā mujh ko
kahīñ sahrā kahīñ gulzār banā huuñ maiñ bhī
merī ḳhvābīda nigāhī ke ishāre samjho
haañ tumhārī hī tarah raat jagā huuñ maiñ bhī
dasht-e-zulmat meñ ye kohrām achānak to nahīñ
zad pe tūfāñ kī bahut der jalā huuñ maiñ bhī
shaKH se TuTte patte ki sada hun main bhi
koi samjha hi nahin kaun hun kya hun main bhi
ajnabi shahr bhi diwana bana deta hai
teri galiyon ka pata bhul gaya hun main bhi
har taraf teri tamanna ne bikhera mujh ko
kahin sahra kahin gulzar bana hun main bhi
meri KHwabida nigahi ke ishaare samjho
han tumhaari hi tarah raat jaga hun main bhi
dasht-e-zulmat mein ye kohram achanak to nahin
zad pe tufan ki bahut der jala hun main bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
