rangon se muzayyan hai qalam-dan hamara

rangoñ se muzayyan hai qalam-dān hamārā

hai rang-e-suḳhan aur mirī jaan hamārā

jab tak tirī tasvīr-kashī kī nahīñ ham ne

be-mā'nī-o-be-rang thā dīvān hamārā

utre the kisī dasht meñ ham roz-e-azal ko

sahrā kī taraf jitnā hai mailān hamārā

barsoñ se haiñ mahrūm tirī nazr-e-karam se

so had se ziyāda huā nuqsān hamārā

ābād huī dhartī dil-e-vahshī kī 'jāmī'

jis ko bhī milā halqa-e-'irfān hamārā

rangon se muzayyan hai qalam-dan hamara

hai rang-e-suKHan aur meri jaan hamara

jab tak teri taswir-kashi ki nahin hum ne

be-ma'ni-o-be-rang tha diwan hamara

utre the kisi dasht mein hum roz-e-azal ko

sahra ki taraf jitna hai mailan hamara

barson se hain mahrum teri nazr-e-karam se

so had se ziyaada hua nuqsan hamara

aabaad hui dharti dil-e-wahshi ki 'jami'

jis ko bhi mila halqa-e-'irfan hamara