lagta yahi hai chahne walon ka bojh hai
lagtā yahī hai chāhne vāloñ kā bojh hai
sahrā ke dil meñ us ke ġhazāloñ kā bojh hai
galiyoñ meñ surḳh phuul khile ḳhaak meñ mile
shahr-e-sukūt par bhī savāloñ kā bojh hai
yuuñ hai ki ye kured kī ḳhvāhish ga.ī nahīñ
mujh meñ 'ajab 'ajab se savāloñ kā bojh hai
lāsheñ girā ke pattoñ kī chaltī hai ye havā
yuuñ us pe bhī to dard ke nāloñ kā bojh hai
bosīdgī ke ghar meñ Thaharnā paḌā mujhe
dīvār-o-dar udaas haiñ jāloñ kā bojh hai
tanhā.iyāñ darāz meñ rakh dī ga.iiñ tamām
almāriyoñ pe ḳhauf ke tāloñ kā bojh hai
ik samt ko jhuke hue palḌe ne keh diyā
mīzān-e-‘adl par bhī malāloñ kā bojh hai
lagta yahi hai chahne walon ka bojh hai
sahra ke dil mein us ke ghazalon ka bojh hai
galiyon mein surKH phul khile KHak mein mile
shahr-e-sukut par bhi sawalon ka bojh hai
yun hai ki ye kured ki KHwahish gai nahin
mujh mein 'ajab 'ajab se sawalon ka bojh hai
lashen gira ke patton ki chalti hai ye hawa
yun us pe bhi to dard ke nalon ka bojh hai
bosidgi ke ghar mein Thaharna paDa mujhe
diwar-o-dar udas hain jalon ka bojh hai
tanhaiyan daraaz mein rakh di gain tamam
almariyon pe KHauf ke talon ka bojh hai
ek samt ko jhuke hue palDe ne keh diya
mizan-e-‘adl par bhi malalon ka bojh hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
