kya phir koi ummid ka dar lagne laga kya
kya phir koi ummid ka dar lagne laga kya
Muhammad Asad Ali Warraich
MORE BYMuhammad Asad Ali Warraich
kyā phir koī ummīd kā dar lagne lagā kyā
miTTī kā ye tuuda mujhe ghar lagne lagā kyā
ik 'umr kī pyaas aaj mirī jaag uThī hai
sahrā kā bagūlā mujhe tar lagne lagā kyā
phir kyuuñ mirī parvāz pe pahre haiñ zamāne
TuuTī huī shāḳhoñ pe samar lagne lagā kyā
jis aag ne jhulsā thā kabhī merā nasheman
vo nūr-e-tajallī kā asar lagne lagā kyā
ab dīda-e-nam-nāk ke sho'le se haiñ laḌte
paanī kā ye qatra bhī sharar lagne lagā kyā
kya phir koi ummid ka dar lagne laga kya
miTTi ka ye tuda mujhe ghar lagne laga kya
ek 'umr ki pyas aaj meri jag uThi hai
sahra ka bagula mujhe tar lagne laga kya
phir kyun meri parwaz pe pahre hain zamane
TuTi hui shaKHon pe samar lagne laga kya
jis aag ne jhulsa tha kabhi mera nasheman
wo nur-e-tajalli ka asar lagne laga kya
ab dida-e-nam-nak ke sho'le se hain laDte
pani ka ye qatra bhi sharar lagne laga kya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
