khai hai jaane kaun si us nar ne jaDi

khaa.ī hai jaane kaun sī us naar ne jaḌī

chup ho to barg-e-gul hai jo bole to phuljhaḌī

vo naar jis ko diip kī lau se misāl deñ

shāḳh-e-shu'ā'-e-mehr se tarshī huī chhaḌī

ab chāñd kī ridā se bhī jaltā hai jism-e-zār

zindāñ se chhūT kar bhī sazā kāTnī paḌī

baiThe haiñ tere ġham meñ ġhul-e-tar bane hue

siine meñ aag aañkh meñ barsāt kī jhaḌī

sahrā sā din pahāḌ sī shab kaise kaaT leñ

sadiyoñ kā bojh hai tirī furqat kī ik ghaḌī

kashtī kā bādbān mirā pairahan banā

ik gauhar-e-sadaf ko zamīñ chāTnī paḌī

khai hai jaane kaun si us nar ne jaDi

chup ho to barg-e-gul hai jo bole to phuljhaDi

wo nar jis ko dip ki lau se misal den

shaKH-e-shu'a'-e-mehr se tarshi hui chhaDi

ab chand ki rida se bhi jalta hai jism-e-zar

zindan se chhuT kar bhi saza kaTni paDi

baiThe hain tere gham mein ghul-e-tar bane hue

sine mein aag aankh mein barsat ki jhaDi

sahra sa din pahaD si shab kaise kaT len

sadiyon ka bojh hai teri furqat ki ek ghaDi

kashti ka baadban mera pairahan bana

ek gauhar-e-sadaf ko zamin chaTni paDi