baadal wo inqilab ka barsa hai mere baad

bādal vo inqilāb kā barsā hai mere baa'd

sahrā sabhī ke ḳhvāb meñ dariyā hai mere baa'd

daa.em ye merī fat.h kā e'lān hī to hai

nasl-e-'adū ko merā hī dhaḌkā hai mere baa'd

niklī supurdagī ke kueñ se koī surang

bhaTke huoñ ne rāsta paayā hai mere baa'd

har taaq par diyā nahīñ jaltā o ajnabī

ḳhud ko sañbhālnā ki añdherā hai mere baa'd

maiñ thā jo us bahār ke raste kā ḳhaar thā

nathlī kā phuul ab to sitāra hai mere baa'd

vo kyā uThā sakegā tire ābloñ kā vazn

sahrā to apnī ḳhaak uḌātā hai mere baa'd

ai 'aun' mere prem kī maalā thī jis ke naam

motī vafā ke DhūñDtā phirtā hai mere baa'd

baadal wo inqilab ka barsa hai mere ba'd

sahra sabhi ke KHwab mein dariya hai mere ba'd

daem ye meri fath ka e'lan hi to hai

nasl-e-'adu ko mera hi dhaDka hai mere ba'd

nikli supurdagi ke kuen se koi surang

bhaTke huon ne rasta paya hai mere ba'd

har taq par diya nahin jalta o ajnabi

KHud ko sanbhaalna ki andhera hai mere ba'd

main tha jo us bahaar ke raste ka KHar tha

nathli ka phul ab to sitara hai mere ba'd

wo kya uTha sakega tere aablon ka wazn

sahra to apni KHak uData hai mere ba'd

ai 'aun' mere prem ki mala thi jis ke nam

moti wafa ke DhunDta phirta hai mere ba'd