ab ye raaten bhi hongi sahar-ashna
ab ye rāteñ bhī hoñgī sahar-āshnā
ho ga.ī haiñ du'ā.eñ asar āshnā
ajnabī ho ga.ī haiñ jo bād-e-visāl
ho sakeñge na ab 'umr bhar āshnā
terā bīmār hai ajnabī shahr meñ
kaash hotā koī chārāgar āshnā
koshisheñ ham ne kī thiiñ magar ho sake
chaah kar bhī na bār-e-digar āshnā
sabr karte raho saath chalte raho
ho zarūrī nahīñ ham-safar āshnā
kis kī ḳhātir maiñ sahrā se hijrat karūñ
mujh se raste shanāsā na ghar āshnā
husn ke shahr se bach ke chaliye janāb
ho na jaa.e balāoñ kā ghar āshnā
jaan lo jaañ luTā kar bhī 'az.har' miyāñ
ho na pā.eñge ye bām-o-dar āshnā
ab ye raaten bhi hongi sahar-ashna
ho gai hain du'aen asar aashna
ajnabi ho gai hain jo baad-e-visal
ho sakenge na ab 'umr bhar aashna
tera bimar hai ajnabi shahr mein
kash hota koi chaaragar aashna
koshishen hum ne ki thin magar ho sake
chah kar bhi na bar-e-digar aashna
sabr karte raho sath chalte raho
ho zaruri nahin ham-safar aashna
kis ki KHatir main sahra se hijrat karun
mujh se raste shanasa na ghar aashna
husn ke shahr se bach ke chaliye janab
ho na jae balaon ka ghar aashna
jaan lo jaan luTa kar bhi 'azhar' miyan
ho na paenge ye baam-o-dar aashna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
