hai wada-e-farda so mujhe aaj ye Dar hai

hai vā'da-e-fardā so mujhe aaj ye Dar hai

kal kaun rahe zinda bhalā kis ko ḳhabar hai

sāñsoñ kī asīrī meñ dhaḌaktā huā ye dil

bosīda sī ik kashtī hai aur aage bhañvar hai

maane na mirā dil ki maiñ is shahr ko chhoḌūñ

par saath hī tayyār paḌā raḳht-e-safar hai

har tarz-e-ḳhushāmad ko samajhtā huuñ maiñ ab to

barsoñ kī riyāzat ne sikhāyā ye hunar hai

ye merī nazar meñ jo sarāboñ kā chaman hai

hai shoḳhī-e-bīnā.ī yā phir gard-e-safar hai

ḳhush-ḳhulqī mirī yuuñ hī nahīñ maañd paḌī hai

ik tīr-e-jafā hai ki jo paivast-e-jigar hai

hai wa'da-e-farda so mujhe aaj ye Dar hai

kal kaun rahe zinda bhala kis ko KHabar hai

sanson ki asiri mein dhaDakta hua ye dil

bosida si ek kashti hai aur aage bhanwar hai

mane na mera dil ki main is shahr ko chhoDun

par sath hi tayyar paDa raKHt-e-safar hai

har tarz-e-KHushamad ko samajhta hun main ab to

barson ki riyazat ne sikhaya ye hunar hai

ye meri nazar mein jo sarabon ka chaman hai

hai shoKHi-e-binai ya phir gard-e-safar hai

KHush-KHulqi meri yun hi nahin mand paDi hai

ek tir-e-jafa hai ki jo paiwast-e-jigar hai