jab mera KHwab pe iman nahin hota tha

jab mirā ḳhvāb pe īmān nahīñ hotā thā

koī bhī rāsta āsān nahīñ hotā thā

jab kisī mez pe guldān nahīñ hotā thā

phuul koī bhī pareshān nahīñ hotā thā

honā hotā thā use mujh se bahar-hāl judā

aur vo marhala āsān nahīñ hotā thā

maiñ bhī hotā thā bahut tujh se bichhaḌ kar nā-ḳhush

aur ḳhush tū bhī mirī jaan nahīñ hotā thā

dekh letā thā maiñ aksar tujhe chupke chupke

jab tirā merī taraf dhyān nahīñ hotā thā

dekhtā rahtā thā maiñ raah tirī pahroñ tak

go tire aane kā imkān nahīñ hotā thā

jab maiñ kahtā thā tumhāre liye mar jā.ūñgā

to vo is baat pe hairān nahīñ hotā thā

hotā rahtā thā agarche vo ḳhafā pahle bhī

dil magar itnā pareshān nahīñ hotā thā

jab kisī shaḳhs pe aa jaatī thī koī mushkil

gaañv meñ koī bhī anjān nahīñ hotā thā

haañ ye sach hai ki use milne se pahle 'nāzir'

aañkh meñ niiñd kā fuqdān nahīñ hotā thā

jab mera KHwab pe iman nahin hota tha

koi bhi rasta aasan nahin hota tha

jab kisi mez pe guldan nahin hota tha

phul koi bhi pareshan nahin hota tha

hona hota tha use mujh se bahar-haal juda

aur wo marhala aasan nahin hota tha

main bhi hota tha bahut tujh se bichhaD kar na-KHush

aur KHush tu bhi meri jaan nahin hota tha

dekh leta tha main aksar tujhe chupke chupke

jab tera meri taraf dhyan nahin hota tha

dekhta rahta tha main rah teri pahron tak

go tere aane ka imkan nahin hota tha

jab main kahta tha tumhaare liye mar jaunga

to wo is baat pe hairan nahin hota tha

hota rahta tha agarche wo KHafa pahle bhi

dil magar itna pareshan nahin hota tha

jab kisi shaKHs pe aa jati thi koi mushkil

ganw mein koi bhi anjaan nahin hota tha

han ye sach hai ki use milne se pahle 'nazir'

aankh mein nind ka fuqdan nahin hota tha