tujhe duniya se jo itna gila hai
tujhe duniyā se jo itnā gila hai
batā duniyā ko tū ne kyā diyā hai
bahut thoḌā sā paane kī talab meñ
bahut kuchh thā jo ham ne kho diyā hai
mile masnad ki phir maslūb hoñ ab
jo kahnā thā so ham ne keh diyā hai
mujhe mar kar bhī kab fursat milegī
qazā ke baa'd bhī ik silsila hai
ye jo itne pe tum itrā rahe ho
are itnā to ham ne kho diyā hai
zarā koshish nahīñ kartā tū varna
tirī taqdīr meñ sab kuchh likhā hai
tujhe duniya se jo itna gila hai
bata duniya ko tu ne kya diya hai
bahut thoDa sa pane ki talab mein
bahut kuchh tha jo hum ne kho diya hai
mile masnad ki phir maslub hon ab
jo kahna tha so hum ne keh diya hai
mujhe mar kar bhi kab fursat milegi
qaza ke ba'd bhi ek silsila hai
ye jo itne pe tum itra rahe ho
are itna to hum ne kho diya hai
zara koshish nahin karta tu warna
teri taqdir mein sab kuchh likha hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
