kar gaya kaam kaT ke sar mera
kar gayā kaam kaT ke sar merā
ḳhuun bolā nagar nagar merā
ġhuncha ġhuncha samar samar terā
baaġh merā shajar shajar merā
chaar sū haiñ uge dhueñ ke daraḳht
aag meñ hai ghirā nagar merā
bun rahā huuñ maiñ raushnī kā libās
raqs meñ hai sadā sharar merā
maiñ na.ī manziloñ kā raahī huuñ
ḳhatm hotā nahīñ safar merā
aag de chaak se judā kar ke
bārishoñ meñ banā na ghar merā
maut faanī hai jāvedāñ hai hayāt
hai yahī nuqta-e-nazar merā
lafz jab ḳhuuñ meñ Duub kar niklā
saj gayā maqtal-e-hunar merā
kar gaya kaam kaT ke sar mera
KHun bola nagar nagar mera
ghuncha ghuncha samar samar tera
bagh mera shajar shajar mera
chaar su hain uge dhuen ke daraKHt
aag mein hai ghira nagar mera
bun raha hun main raushni ka libas
raqs mein hai sada sharar mera
main nai manzilon ka rahi hun
KHatm hota nahin safar mera
aag de chaak se juda kar ke
barishon mein bana na ghar mera
maut fani hai jawedan hai hayat
hai yahi nuqta-e-nazar mera
lafz jab KHun mein Dub kar nikla
saj gaya maqtal-e-hunar mera
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
