tumhaari jumbish-e-lab ne kaha hai
tumhārī jumbish-e-lab ne kahā hai
tumhāre dil meñ ab bhī ik ḳhalā hai
zarā ai dost mujh ko bhī dikhāo
tumhāre āstīñ meñ kyā chhupā hai
vo mil jaa.e hamesha dil jo chāhe
phir aisī zindagī meñ kyā rakhā hai
jo sach bole zabāñ us kī katar do
yahī hākim kā ab ke faisla hai
mirī ġhazleñ purānī soch kī haiñ
mirā is daur meñ jiinā sazā hai
suno 'ummān' merī baat maano
sabhī ko rāz-dāñ karnā burā hai
tumhaari jumbish-e-lab ne kaha hai
tumhaare dil mein ab bhi ek KHala hai
zara ai dost mujh ko bhi dikhao
tumhaare aastin mein kya chhupa hai
wo mil jae hamesha dil jo chahe
phir aisi zindagi mein kya rakha hai
jo sach bole zaban us ki katar do
yahi hakim ka ab ke faisla hai
meri ghazlen purani soch ki hain
mera is daur mein jina saza hai
suno 'umman' meri baat mano
sabhi ko raaz-dan karna bura hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
