kaliyon ko shaKH shaKH se chunne mein aar kis ko hai

kaliyoñ ko shāḳh shāḳh se chunñe meñ 'aar kis ko hai

kahne ko gul-parast haiñ dard-e-bahār kis ko hai

ġhairoñ kī ranjishoñ ke tiir apnoñ kī sāzishoñ ke vaar

zaḳhmoñ kā kyā hisāb duuñ tāb-e-shumār kis ko hai

mahbas-e-rozgār meñ jaan bache to shukr hai

hirs-zadoñ kī bhiiḌ meñ jā-e-farār kis ko hai

mujh se ziyāda kaun hai dār-o-rasan kā mustahiq

merī tarah se dosto ḳhvāboñ se pyaar kis ko hai

vaise to har koī yahāñ sach kī talāsh meñ hai gum

kis ko talab hai zahr kī ḳhvāhish-e-dār kis ko hai

kaliyon ko shaKH shaKH se chunne mein 'ar kis ko hai

kahne ko gul-parast hain dard-e-bahaar kis ko hai

ghairon ki ranjishon ke tir apnon ki sazishon ke war

zaKHmon ka kya hisab dun tab-e-shumar kis ko hai

mahbas-e-rozgar mein jaan bache to shukr hai

hirs-zadon ki bhiD mein ja-e-farar kis ko hai

mujh se ziyaada kaun hai dar-o-rasan ka mustahiq

meri tarah se dosto KHwabon se pyar kis ko hai

waise to har koi yahan sach ki talash mein hai gum

kis ko talab hai zahr ki KHwahish-e-dar kis ko hai