ghalat hain bab kai dastan mein shamil
ġhalat haiñ baab ka.ī dāstān meñ shāmil
hai rang jhūTh kā us ke bayān meñ shāmil
mire lahū kī bhī phūloñ meñ hai chamak dekho
hai merā ḳhuun bhī is gulsitān meñ shāmil
koī zabān kisī ek kī nahīñ jāgīr
masā’ī sab kī haiñ urdu zabān meñ shāmil
mujhe bhī dījiye 'e'jāz' merī mazdūrī
pasīna merā bhī hai fasl-e-dhān meñ shāmil
ghalat hain bab kai dastan mein shamil
hai rang jhuTh ka us ke bayan mein shamil
mere lahu ki bhi phulon mein hai chamak dekho
hai mera KHun bhi is gulsitan mein shamil
koi zaban kisi ek ki nahin jagir
masa’i sab ki hain urdu zaban mein shamil
mujhe bhi dijiye 'e'jaz' meri mazduri
pasina mera bhi hai fasl-e-dhan mein shamil
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
