zindagi main kis qadar KHamosh hun

zindagī maiñ kis qadar ḳhāmosh huuñ

bol saktā huuñ magar ḳhāmosh huuñ

aap ne jo keh diyā vo kar diyā

aap ke har hukm par ḳhāmosh huuñ

shor hī bas shor hai us kī taraf

aur tanhā maiñ idhar ḳhāmosh huuñ

tū ne pūchhā bhī nahīñ kyā ho gayā

ek muddat se agar ḳhāmosh huuñ

shāh-zādī tujh se ab maiñ kyā kahūñ

man meñ jo aa.e vo kar ḳhāmosh huuñ

soch lenā tā'na-zan maiñ ab talak

kyuuñ tumhārī zaat par ḳhāmosh huuñ

tujh se Dar kar chup rahā aisā nahīñ

mujh meñ himmat hai magar ḳhāmosh huuñ

ek din us ne kahā ḳhāmosh ho

tab se 'mushtāq' is qadar ḳhāmosh huuñ

zindagi main kis qadar KHamosh hun

bol sakta hun magar KHamosh hun

aap ne jo keh diya wo kar diya

aap ke har hukm par KHamosh hun

shor hi bas shor hai us ki taraf

aur tanha main idhar KHamosh hun

tu ne puchha bhi nahin kya ho gaya

ek muddat se agar KHamosh hun

shah-zadi tujh se ab main kya kahun

man mein jo aae wo kar KHamosh hun

soch lena ta'na-zan main ab talak

kyun tumhaari zat par KHamosh hun

tujh se Dar kar chup raha aisa nahin

mujh mein himmat hai magar KHamosh hun

ek din us ne kaha KHamosh ho

tab se 'mushtaq' is qadar KHamosh hun