yahan se kuch kiya jae ya jiya jae

yahāñ se kuuch kiyā jaa.e yā jiyā jaa.e

tumhāre baa'd koī faisla kiyā jaa.e

maiñ nafratoñ se laḌā.ī meñ ḳharch ho gayā huuñ

so merā naam mohabbat se ab liyā jaa.e

tumhāre bin ye parinde udaas rahte haiñ

ye jā ke us se kisī roz keh diyā jaa.e

mire liye ye asāsa haiñ zindagī bhar kā

jo zaḳhm us ne diye un ko mat siyā jaa.e

agar hai jaam to piine meñ kyā burā.ī hai

agar hai zahr to phir is ko khā liyā jaa.e

ye ruuh jism meñ kaafī phaḌakne lag ga.ī hai

to kyuuñ na is ko ab āzād kar diyā jaa.e

mazīd ham se tirā hijr sahnā hotā nahīñ

ye ghūñT sabr kā kab tak bhalā piyā jaa.e

yahan se kuch kiya jae ya jiya jae

tumhaare ba'd koi faisla kiya jae

main nafraton se laDai mein KHarch ho gaya hun

so mera nam mohabbat se ab liya jae

tumhaare bin ye parinde udas rahte hain

ye ja ke us se kisi roz keh diya jae

mere liye ye asasa hain zindagi bhar ka

jo zaKHm us ne diye un ko mat siya jae

agar hai jam to pine mein kya burai hai

agar hai zahr to phir is ko kha liya jae

ye ruh jism mein kafi phaDakne lag gai hai

to kyun na is ko ab aazad kar diya jae

mazid hum se tera hijr sahna hota nahin

ye ghunT sabr ka kab tak bhala piya jae