tu kisi aur se na haarega
tū kisī aur se na hāregā
tujh ko terā ġhurūr māregā
tujh ko dastār jis ne baḳhshī hai
terā sar bhī vahī utāregā
ik zarā aur intizār karo
sabr jītegā zulm hāregā
aa.ina to hai ḳhud mirī taḳhlīq
aa.ina kyā mujhe sañvāregā
us ne jab mujh ko paaoñ baḳhshe haiñ
aag se bhī vahī guzāregā
tū ubharne kā hausla to dikhā
ḳhud samundar tujhe ubhāregā
haañ yahī ajnabī 'na'īm' ik din
apnā keh kar mujhe pukāregā
tu kisi aur se na haarega
tujh ko tera ghurur marega
tujh ko dastar jis ne baKHshi hai
tera sar bhi wahi utarega
ek zara aur intizar karo
sabr jitega zulm haarega
aaina to hai KHud meri taKHliq
aaina kya mujhe sanwarega
us ne jab mujh ko paon baKHshe hain
aag se bhi wahi guzarega
tu ubharne ka hausla to dikha
KHud samundar tujhe ubhaarega
han yahi ajnabi 'na'im' ek din
apna keh kar mujhe pukarega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
