tang-lamhat mein nahin aae

tang-lamhāt meñ nahīñ aa.e

ham tire haath meñ nahīñ aa.e

jaane uljhe haiñ kitne kāñToñ se

phuul ḳhairāt meñ nahīñ aa.e

vo to apnī kahāniyoñ meñ thā

ham kisī baat meñ nahīñ aa.e

qist-dar-qist dard milte rahe

sukh bhī bohtāt meñ nahīñ aa.e

vo hameñ pyaar kī taraf laate

ham hī jazbāt meñ nahīñ aa.e

vo hī jannat-mizāj Thahre haiñ

jo ḳhurāfāt meñ nahīñ aa.e

shukr hai buġhz aur hasad 'amjad'

merī 'ādāt meñ nahīñ aa.e

tang-lamhat mein nahin aae

hum tere hath mein nahin aae

jaane uljhe hain kitne kanTon se

phul KHairaat mein nahin aae

wo to apni kahaniyon mein tha

hum kisi baat mein nahin aae

qist-dar-qist dard milte rahe

sukh bhi bohtat mein nahin aae

wo hamein pyar ki taraf late

hum hi jazbaat mein nahin aae

wo hi jannat-mizaj Thahre hain

jo KHurafat mein nahin aae

shukr hai bughz aur hasad 'amjad'

meri 'adat mein nahin aae