pahle apni zat par ek raat tari kijiye

pahle apnī zaat par ik raat taarī kījiye

aur phir us raat meñ aḳhtar-shumārī kījiye

apnā ġham kahte hue aañsū pe qaabū pā.iye

apnā ġham kahte hue āvāz bhārī kījiye

ḳhaak meñ milnā hai ik din yuuñ nahīñ to yuuñ sahī

ḳhaak sar par Dāliye aur ḳhāksārī kījiye

ḳhāmushī to 'ishq kā e'lān ho saktī nahīñ

āh-o-zārī shart hai so āh-o-zārī kījiye

ham gunah-gār-e-zamāna aur vo hai be-niyāz

ek bachche kī tarah minnat-guzārī kījiye

ek muddat se paḌā huuñ aap kī chaukhaT pe maiñ

lab ko zahmat dījiye farmān jaarī kījiye

pahle apni zat par ek raat tari kijiye

aur phir us raat mein aKHtar-shumari kijiye

apna gham kahte hue aansu pe qabu paiye

apna gham kahte hue aawaz bhaari kijiye

KHak mein milna hai ek din yun nahin to yun sahi

KHak sar par Daliye aur KHaksari kijiye

KHamushi to 'ishq ka e'lan ho sakti nahin

aah-o-zari shart hai so aah-o-zari kijiye

hum gunah-gar-e-zamana aur wo hai be-niyaz

ek bachche ki tarah minnat-guzari kijiye

ek muddat se paDa hun aap ki chaukhaT pe main

lab ko zahmat dijiye farman jari kijiye