Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kyunkar ye kahen us zalim ke zulm aur sitam hum sah na sake

Dharampal  Gupta  Wafa Dehlvi

kyunkar ye kahen us zalim ke zulm aur sitam hum sah na sake

Dharampal Gupta Wafa Dehlvi

MORE BYDharampal Gupta Wafa Dehlvi

    kyūñkar ye kaheñ us zālim ke zulm aur sitam ham sah na sake

    lekin lab par uf aa hī ga.ī āḳhir ham chup bhī rah na sake

    dil aur zabāñ par qaabū kiyā ulfat kī nazar kyā chhuptī hai

    pur-shauq nigāhoñ ne keh dī vo baat jo muñh se keh na sake

    'āshiq ko ho matlab sabr se kyā ulfat ko sukūñ se kyā nisbat

    haif us kashtī-e-'aql pe jo jazbāt kī rau meñ bah na sake

    ashk aate tumhārī āñkhoñ meñ duniyā tah-o-bālā ho jaatī

    achchhā hī huā afsāna-e-ġham tum sun na sake ham keh na sake

    bīmārī-e-ġham ne vaqt-e-sahar gul kar dī sham'-e-hayāt āḳhir

    kyā karte ham insāñ hī to the ranj-e-shab-e-furqat sah na sake

    samjhe the bahut kuchh kahnā hai kahne kī bahut sī bāteñ haiñ

    vo aa.e bhī aur chal bhī diye kuchh muñh se magar ham keh na sake

    dushman ko vafā se kyā nisbat ghabrā.e hue kyuuñ phirte ho

    aa jaao hamārī āñkhoñ meñ gar ġhair ke dil meñ rah na sake

    tang aa ke tamannāoñ se 'vafā' ab chāhtā huuñ dil meñ apne

    koī bhī tamannā aa na sake koī bhī tamannā rah na sake

    kyunkar ye kahen us zalim ke zulm aur sitam hum sah na sake

    lekin lab par uf aa hi gai aaKHir hum chup bhi rah na sake

    dil aur zaban par qabu kiya ulfat ki nazar kya chhupti hai

    pur-shauq nigahon ne keh di wo baat jo munh se keh na sake

    'ashiq ko ho matlab sabr se kya ulfat ko sukun se kya nisbat

    haif us kashti-e-'aql pe jo jazbaat ki rau mein bah na sake

    ashk aate tumhaari aankhon mein duniya tah-o-baala ho jati

    achchha hi hua afsana-e-gham tum sun na sake hum keh na sake

    bimari-e-gham ne waqt-e-sahar gul kar di sham'-e-hayat aaKHir

    kya karte hum insan hi to the ranj-e-shab-e-furqat sah na sake

    samjhe the bahut kuchh kahna hai kahne ki bahut si baaten hain

    wo aae bhi aur chal bhi diye kuchh munh se magar hum keh na sake

    dushman ko wafa se kya nisbat ghabrae hue kyun phirte ho

    aa jao hamari aankhon mein gar ghair ke dil mein rah na sake

    tang aa ke tamannaon se 'wafa' ab chahta hun dil mein apne

    koi bhi tamanna aa na sake koi bhi tamanna rah na sake

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now