kahan sabr-o-tahammul aap ka nakaam hota hai
kahāñ sabr-o-tahammul aap kā nākām hotā hai
jahāñ taklīf hotī hai vahīñ ārām hotā hai
muqābil har qadam honā sitamgār-e-zamāna se
yahī jiine kī ḳhātir vaqt kā paiġhām hotā hai
use bhī mehr-o-ulfat kī zarā tābindagī de do
ḳhayāloñ meñ agar koī ḳhayāl-e-ḳhām hotā hai
taḌapnā aah bharnā āñsuoñ meñ ġharq ho jaanā
zamāne meñ mohabbat kā yahī anjām hotā hai
bujhegī kis tarah tishna-labī kī aag ai rindo
mire hāthoñ meñ hotā hai to ḳhālī jaam hotā hai
mirī nok-e-qalam tausīf kartī hai bulandī kī
ai 'ātish' jab nigāhoñ meñ 'urūj-e-shām hotā hai
kahan sabr-o-tahammul aap ka nakaam hota hai
jahan taklif hoti hai wahin aaram hota hai
muqabil har qadam hona sitamgar-e-zamana se
yahi jine ki KHatir waqt ka paigham hota hai
use bhi mehr-o-ulfat ki zara tabindagi de do
KHayalon mein agar koi KHayal-e-KHam hota hai
taDapna aah bharna aansuon mein gharq ho jaana
zamane mein mohabbat ka yahi anjam hota hai
bujhegi kis tarah tishna-labi ki aag ai rindo
mere hathon mein hota hai to KHali jam hota hai
meri nok-e-qalam tausif karti hai bulandi ki
ai 'atish' jab nigahon mein 'uruj-e-sham hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
