kabhi to ishq mein aise maqam aaenge
kabhī to 'ishq meñ aise maqām ā.eñge
ki nā-ḳhudāoñ ke ham par salām ā.eñge
yahī haiñ log jo dāman bachā.e phirte haiñ
yahī the log jo kahte the kaam ā.eñge
sahe haiñ zulm yahī soch ke sabhī ham ne
ba-roz-e-hashr ye baḳhshish ke kaam ā.eñge
tamām log jo pyāse rahe haiñ duniyā meñ
sunā hai un ke hī hisse meñ jaam ā.eñge
jo chal sako to chalo tum bhī haq kī rāhoñ par
ye tai hai raah meñ ḳhatre tamām ā.eñge
kabhi to 'ishq mein aise maqam aaenge
ki na-KHudaon ke hum par salam aaenge
yahi hain log jo daman bachae phirte hain
yahi the log jo kahte the kaam aaenge
sahe hain zulm yahi soch ke sabhi hum ne
ba-roz-e-hashr ye baKHshish ke kaam aaenge
tamam log jo pyase rahe hain duniya mein
suna hai un ke hi hisse mein jam aaenge
jo chal sako to chalo tum bhi haq ki rahon par
ye tai hai rah mein KHatre tamam aaenge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
