jo bhi chaha nahin mila mujhko
jo bhī chāhā nahīñ milā mujh ko
phir bhī koī nahīñ gila mujh ko
rab pe sab kuchh maiñ chhoḌ baiThā huuñ
degā behtar vahī sila mujh ko
kitnā bechain karke rakhtā hai
terī yādoñ kā silsila mujh ko
shiddat-e-dard ḳhatm ho jaa.e
zahr kā jaam lā pilā mujh ko
maiñ gul-e-ḳhushk terī hijrat meñ
aa mire paas aur khilā mujh ko
mujh ko khone ke baa'd sochoge
merā 'dānish' nahīñ milā mujh ko
jo bhi chaha nahin mila mujh ko
phir bhi koi nahin gila mujh ko
rab pe sab kuchh main chhoD baiTha hun
dega behtar wahi sila mujh ko
kitna bechain karke rakhta hai
teri yaadon ka silsila mujh ko
shiddat-e-dard KHatm ho jae
zahr ka jam la pila mujh ko
main gul-e-KHushk teri hijrat mein
aa mere pas aur khila mujh ko
mujh ko khone ke ba'd sochoge
mera 'danish' nahin mila mujh ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
