dil-e-ashiq mein sozish kam nahin hai
dil-e-'āshiq meñ sozish kam nahīñ hai
use paane kī ḳhvāhish kam nahīñ hai
mirī har saañs hai mamnūn terī
karam kī terī bārish kam nahīñ hai
raheñ kaise ghaḌī bhar chain se ham
jahāñ vāloñ kī sāzish kam nahīñ hai
kahāñ tak kāmrāñ hote raheñ ham
falak kī āzmā.ish kam nahīñ hai
aziyyat tanziya jumle tamasḳhur
'azīzoñ kī navāzish kam nahīñ hai
rahe laḌtā kahāñ tak 'shams' tanhā
ki dil pe ab ke yūrish kam nahīñ hai
dil-e-'ashiq mein sozish kam nahin hai
use pane ki KHwahish kam nahin hai
meri har sans hai mamnun teri
karam ki teri barish kam nahin hai
rahen kaise ghaDi bhar chain se hum
jahan walon ki sazish kam nahin hai
kahan tak kaamran hote rahen hum
falak ki aazmaish kam nahin hai
aziyyat tanziya jumle tamasKHur
'azizon ki nawazish kam nahin hai
rahe laDta kahan tak 'shams' tanha
ki dil pe ab ke yurish kam nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
