bhaTka diya tha raunaq-e-fasl-e-bahaar ne

bhaTkā diyā thā raunaq-e-fasl-e-bahār ne

manzil dikhā.ī mujh ko rah-e-ḳhār-dār ne

ehsān yuuñ kiyā mire parvardigār ne

aayā huuñ koh-e-tūr pe us ko pukārne

sar pe thā bār-e-zindagī raste tavīl the

girne nahīñ diyā hai mire ġham-gusār ne

mere mizāj-e-talḳh meñ shīrīnī ghol kar

bhauñrā banā diyā hai mujhe gul ke pyaar ne

aa.ī ḳhizāñ to zehn pe chhā.ī udāsiyāñ

zīnat chaman kī chhīn lī fikr-e-bahār ne

ummīd sabr ranj-o-ġham-e-zindagī ke saath

jiinā sikhā diyā hai tire intizār ne

'aḳhtar' mirā vujūd to ik musht-e-ḳhāk thā

ashraf banā diyā hai mujhe lafz-e-pyār ne

bhaTka diya tha raunaq-e-fasl-e-bahaar ne

manzil dikhai mujh ko rah-e-KHar-dar ne

ehsan yun kiya mere parwardigar ne

aaya hun koh-e-tur pe us ko pukarne

sar pe tha bar-e-zindagi raste tawil the

girne nahin diya hai mere gham-gusar ne

mere mizaj-e-talKH mein shirini ghol kar

bhaunra bana diya hai mujhe gul ke pyar ne

aai KHizan to zehn pe chhai udasiyan

zinat chaman ki chhin li fikr-e-bahaar ne

ummid sabr ranj-o-gham-e-zindagi ke sath

jina sikha diya hai tere intizar ne

'aKHtar' mera wujud to ek musht-e-KHak tha

ashraf bana diya hai mujhe lafz-e-pyar ne