aisa nahin ki bazm mein pyasa nahin hun main

aisā nahīñ ki bazm meñ pyāsā nahīñ huuñ maiñ

par tū jo pī rahā hai vo piitā nahīñ huuñ maiñ

ai yaar terī chaah tirā ġham tirā ḳhayāl

muddat huī hai chain se soyā nahīñ huuñ maiñ

hāzir to ho gayā huuñ tirī bazm meñ magar

mahsūs ho rahā hai ki goyā nahīñ huuñ maiñ

yā-rab tirī talāsh meñ logoñ ke saath saath

sahrā-e-lā-hudūd meñ bhaTkā nahīñ huuñ maiñ

rah rah ke yuuñ ḳhatāoñ pe Tokā na kījiye

insān huuñ huzūr farishta nahīñ huuñ maiñ

'aḳhtar' tire jamāl se vāqif to huuñ magar

tā'rīf tere husn kī kartā nahīñ huuñ maiñ

aisa nahin ki bazm mein pyasa nahin hun main

par tu jo pi raha hai wo pita nahin hun main

ai yar teri chah tera gham tera KHayal

muddat hui hai chain se soya nahin hun main

hazir to ho gaya hun teri bazm mein magar

mahsus ho raha hai ki goya nahin hun main

ya-rab teri talash mein logon ke sath sath

sahra-e-la-hudud mein bhaTka nahin hun main

rah rah ke yun KHataon pe Toka na kijiye

insan hun huzur farishta nahin hun main

'aKHtar' tere jamal se waqif to hun magar

ta'rif tere husn ki karta nahin hun main