awwal awwal di gai thi sirf ruswai mujhe
avval avval dī ga.ī thī sirf rusvā.ī mujhe
ab kahīñ jā kar milī hai ye pazīrā.ī mujhe
aap se pahle to maiñ is lafz se lā-'ilm thā
aap ko dekhā to aa.ī husn-ārā.ī mujhe
sang-dil itnā ki ḳhud par bhī taras khātā nahīñ
mom kar detī hai par ik aañkh bhar aa.ī mujhe
kal jo mujh se pūchhne aatā thā mafhūm-e-vafā
ab vafā kā dars detā hai vo harjā.ī mujhe
shā'irī hai kaam aur 'hassām' merā naam hai
log vaise jaun kā kahte haiñ shaidā.ī mujhe
awwal awwal di gai thi sirf ruswai mujhe
ab kahin ja kar mili hai ye pazirai mujhe
aap se pahle to main is lafz se la-'ilm tha
aap ko dekha to aai husn-arai mujhe
sang-dil itna ki KHud par bhi taras khata nahin
mom kar deti hai par ek aankh bhar aai mujhe
kal jo mujh se puchhne aata tha mafhum-e-wafa
ab wafa ka dars deta hai wo harjai mujhe
sha'iri hai kaam aur 'hassam' mera nam hai
log waise jaun ka kahte hain shaidai mujhe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
