tamam umr ka lubb-e-lubab rakkha hai
tamām 'umr kā lubb-e-lubāb rakkhā hai
bashīr badr kā ek intiḳhāb rakkhā hai
isī se tāzgī miltī hai merī yādoñ ko
ye jo kitāb meñ sūkhā gulāb rakkhā hai
fuzūl rashk hai tāroñ pe āsmān tujhe
samundaroñ ke yahāñ māhtāb rakkhā hai
savāl-e-'ishq ka.ī baar paḌhne paḌte haiñ
unhīñ savāloñ meñ un kā javāb rakkhā hai
kabhī na milne kī qasmeñ fuzūl haiñ jānāñ
hamāre vāste yaum-ul-hisāb rakkhā hai
tamam 'umr ka lubb-e-lubab rakkha hai
bashir badr ka ek intiKHab rakkha hai
isi se tazgi milti hai meri yaadon ko
ye jo kitab mein sukha gulab rakkha hai
fuzul rashk hai taron pe aasman tujhe
samundaron ke yahan mahtab rakkha hai
sawal-e-'ishq kai bar paDhne paDte hain
unhin sawalon mein un ka jawab rakkha hai
kabhi na milne ki qasmen fuzul hain jaanan
hamare waste yaum-ul-hisab rakkha hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
