use kaho ki mohabbat ko tol kar dekhe
use kaho ki mohabbat ko tol kar dekhe
nazar milā.e kabhī dil TaTol kar dekhe
nahīñ tikeñge marāsim sapāT hāthoñ par
hatheliyoñ ko zarā apnī gol kar dekhe
vo jis ne aañkh 'atā kī hai 'ain-mumkin hai
vo ek roz hameñ aañkh khol kar dekhe
ham aisoñ se nahīñ hotā ki dekh kar boleñ
yaqīñ nahīñ to koī ham se bol kar dekhe
kabhī vo samjhe na milnā hī kyuuñ zarūrī thā
kabhī vo ret ko paanī meñ ghol kar dekhe
use kaho ki mohabbat ko tol kar dekhe
nazar milae kabhi dil TaTol kar dekhe
nahin tikenge marasim sapaT hathon par
hatheliyon ko zara apni gol kar dekhe
wo jis ne aankh 'ata ki hai 'ain-mumkin hai
wo ek roz hamein aankh khol kar dekhe
hum aison se nahin hota ki dekh kar bolen
yaqin nahin to koi hum se bol kar dekhe
kabhi wo samjhe na milna hi kyun zaruri tha
kabhi wo ret ko pani mein ghol kar dekhe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
