talluqat mein koi nahin jo laDta nahin
ta'alluqāt meñ koī nahīñ jo laḌtā nahīñ
mohabbatoñ meñ laḌā.ī se kuchh bigaḌtā nahīñ
bichhaḌte vaqt gale se lagā ke us ne kahā
batāo kaun hai duniyā meñ jo bichhaḌtā nahīñ
bure dinoñ meñ mirā saath chhoḌne vaalo
shajar ko ek do pattoñ se farq paḌtā nahīñ
bahut se faisle dil ke ḳhilāf hote haiñ
ḳhushī ḳhushī to sipāhī bhī jang laḌtā nahīñ
bas ek shaḳhs thā dil ke makān kā mālik
kuchh aur log bhī hote to ghar ujaḌtā nahīñ
ta'alluqat mein koi nahin jo laDta nahin
mohabbaton mein laDai se kuchh bigaDta nahin
bichhaDte waqt gale se laga ke us ne kaha
batao kaun hai duniya mein jo bichhaDta nahin
bure dinon mein mera sath chhoDne walo
shajar ko ek do patton se farq paDta nahin
bahut se faisle dil ke KHilaf hote hain
KHushi KHushi to sipahi bhi jang laDta nahin
bas ek shaKHs tha dil ke makan ka malik
kuchh aur log bhi hote to ghar ujaDta nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
