meri hayat mein shamil bhi hai nahin bhi hai

mirī hayāt meñ shāmil bhī hai nahīñ bhī hai

talab hai us kī jo hāsil bhī hai nahīñ bhī hai

'ajab huuñ maiñ bhī musalsal usī kī fikr meñ huuñ

vo hai ki mujh se jo ġhāfil bhī hai nahīñ bhī hai

usī ke naqsh-e-qadam par to chal rahī huuñ maiñ

jo ajnabī mirī manzil bhī hai nahīñ bhī hai

nazar to aatā hai us tak pahuñch nahīñ saktī

vo mere pyaar kā sāhil bhī hai nahīñ bhī hai

taḌap meñ tere ta'alluq kā ranj hai hī nahīñ

tū mere pyaar meñ bismil bhī hai nahīñ bhī hai

jo 'ḳhushbū' chaah ke iz.hār kar nahīñ saktī

vo laḌkī pyaar meñ buzdil bhī hai nahīñ bhī hai

meri hayat mein shamil bhi hai nahin bhi hai

talab hai us ki jo hasil bhi hai nahin bhi hai

'ajab hun main bhi musalsal usi ki fikr mein hun

wo hai ki mujh se jo ghafil bhi hai nahin bhi hai

usi ke naqsh-e-qadam par to chal rahi hun main

jo ajnabi meri manzil bhi hai nahin bhi hai

nazar to aata hai us tak pahunch nahin sakti

wo mere pyar ka sahil bhi hai nahin bhi hai

taDap mein tere ta'alluq ka ranj hai hi nahin

tu mere pyar mein bismil bhi hai nahin bhi hai

jo 'KHushbu' chah ke izhaar kar nahin sakti

wo laDki pyar mein buzdil bhi hai nahin bhi hai