hujum mein bhi talluq ka KHana Khaali hai
hujūm meñ bhī ta'alluq kā ḳhāna ḳhālī hai
ye kis shu'ūr ne mujh meñ jagah banā lī hai
maiñ thak gayā huuñ mohabbat kā bojh Dhote hue
safar tavīl thā gaaḌī bahut chalā lī hai
mire ḳhulūs ne barbād kar diyā mujh ko
davā to Thiik thī lekin ziyāda khā lī hai
'ajīb baat hai koī bhī phuul vaalā nahīñ
tire 'ilāqe meñ jazboñ kī qaht-sālī hai
ye shahr-e-ġham hai yahāñ koī afrātafrī nahīñ
yahāñ pe gaaḌī bahut der rukne vaalī hai
hujum mein bhi ta'alluq ka KHana KHali hai
ye kis shu'ur ne mujh mein jagah bana li hai
main thak gaya hun mohabbat ka bojh Dhote hue
safar tawil tha gaDi bahut chala li hai
mere KHulus ne barbaad kar diya mujh ko
dawa to Thik thi lekin ziyaada kha li hai
'ajib baat hai koi bhi phul wala nahin
tere 'ilaqe mein jazbon ki qaht-sali hai
ye shahr-e-gham hai yahan koi afraatafri nahin
yahan pe gaDi bahut der rukne wali hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
